Tuesday, May 24, 2011

Pugna Saeculi


Haec pellicula tam mirabilis ut quid dicam nescio... Musica auribus placet (si musicam rap auscultare tibi libeat), cinematographia clara peritaque, histriones cantoresque splendidi, et tandem sententiae perbene explicatae sunt. Nescio quomodo incipiam...

Primo si Keynem Hayekemque non cognoscas, paululum de philosophiis propriis: Keynes Hayekque oeconomistae primae dimidiae partis saeculi XX erant qui in in terminis adversis spectri oeconomici, ut dicam, stant. Keynes philsophiam oeconomicam quae (ex anglico) 'ab summo in fundum' dicatur proponit cum Hayek adverse 'ab fundo in summum' proponat. 

Nos hodie philosophia Keynesiana in USAe utimur. Id est, res publica Americana pecuniis utitur quae nondum extant ut pecuniae in oeconimiam nostram immittantur et ut, secundum philosophiam Keynis, oeconimia nostra circulet. Respublica munera creat subsiciva ut plus pecuniarum munerumque adsit. Consumere est dominus. Hayek aliter proponit: 'munera sunt modus vivandi, non fines ipsae.  Auctus verum fretum productione.' 

Maior pars pellicula libris sententiisque κλεινοῖς alludit: Libri: Keynis The End of Laissez-Faire, Hayekis The Road to Serfdom et The Pretense of Kowledge etc. 

Nota bene praesidem Keynem adiuvare quamquam victus est. Sententiae auctorum huius pelliculae tunc perlucent quo Keynes victor indictus est. Quamvis Hayek vincat aut prope dicit, populus Keynei favet. Nota etiam custos in initio Hayekem non cognoscere quo ille operarius publicus gratias Keynei debet et Hayek minus clarus est. Sunt etiam philosophi alteri: Malthus, Say, Mises.

Ceterum haec pellicula mihi placet valde. Cum pelliculam aspicerem, me sensit studium penitum rerum oeconomicarum apud antiquos nostros. Forsitan in futuris plus de rebus oeconimicis apud Romanos Graecosque legam? Reapse philosophiam Hayekianam diligo quamquam Latine perbene explicare nequivi, quam ob rem, quaeso, ignosce mihi.

2 comments:

  1. Placent verba Hayekiana quae in carmine cantantur haec: "Bella nihil efficiunt, tantum delent."

    ReplyDelete
  2. No está mal este blog de latín, pero los videos se cargan con lentitud. Saludos desde España. Blogus tuus bonus est, sed videos non bene functionant. Ego saluto te ex Hispania.

    ReplyDelete